शरद पवार तुमच्या नजरेतून

NewsZenn Nov 18, 2020 750 0

राष्ट्रवादी वेलफेअर ट्रस्ट तर्फे 'योध्या @ ८०' शॉर्ट फिल्म स्पर्धेचे आयोजन

राष्ट्रवादी काँग्रेसचे सर्वेसर्वा शरद पवार हे देशातील प्रभावी राजकीय व्यक्तिमत्व आहे. महाराष्ट्रातल्या कानाकोपऱ्यात शरद पवार माहित नसणारा दुर्मिळच. माणसं जोडण्याची उत्तम कला अवगत असणारे नेते. खेडेगावातल्या एखाद्या कार्यकर्त्यांपासून साहित्य, संस्कृती क्षेत्रातील मान्यवरांपर्यंत, स्वपक्षापासून विरोधी पक्षांपर्यंत पवारांच्या मैत्रीचं वर्तुळ विस्तारलेलं असतं. एखाद्या माणसाचे एवढे पैलू असू शकतात? सर्वसामान्यांना पवारांविषयी काय वाटते? काय भावते तसेच काय अपेक्षित आहे? हे जाणून घ्यावे या उद्देशाने राष्ट्रवादी वेलफेअर ट्रस्ट तर्फे 'योध्या @ ८०' त्यांचा वर्षांच्या जीवनप्रवासावर शॉर्ट फिल्म स्पर्धेचे आयोजन करण्यात आले आहे. शरद पवार यांनी केलेले कार्य, त्यांचे विचार,त्यांचा जीवनप्रवास अभ्यासून आपली मते फिल्म च्या माध्यमातून स्पर्धक मांडू शकणार आहेत. प्रत्येक स्पर्धकाला प्रथम, द्वितीय, तृतीय आणि उत्तेजनार्थ पारितोषिके देण्यात येणार आहे. प्रथम पारितोषिक १ लाख रुपये, द्वितीय पारितोषिक ७५ हजार आणि तृतीय पारितोषिक ५० हजार व करंडकासह प्रमाणपत्र मिळणार आहे. त्याचबरोबर १० हजार रुपये रोख किंमतीची विशेष पारितोषिके प्रदान करण्यात येणार आहेत. इच्छूक स्पर्धकांना ५ डिसेंबर २०२० पर्यंत प्रवेश घेता येणार आहे. स्पर्धकांना सहभागी होण्यासाठी लागणारी सर्व माहिती व प्रवेशिका अर्ज www.ncp.org.in व www.supriyassule.com या संकेतस्थळावर उपलब्ध आहे.